لمحات من العشرية الدموية الجزائرية

لمحات من العشرية الدموية الجزائريةلمحات من العشرية الدموية الجزائرية by دسوقي أحمد

My rating: 5 of 5 stars

إذا كنت مصريًا، ستذهل من التشابه الفظيع واستغبائنا كفصائل إسلامية من القوى العظمى، وستُذهل أيضًا من أن الإخوان المسلمين في الجزائر كانوا يلعبون نفس الدور الذي يلعبه حزب النور الآن في مصر، وأن السلفيين اتخذوا آنذاك نفس المسلك الذي تتخذته جماعة الإخوان المسلمين الآن في مصر.

ومن الطريف أيضًا، أن معظم المصادر المستخدمة في البحث هي من على لسان قيادات الإخوان أمثال الغنوشي التونسي والقرضاوي ومن “إخوان ويكي”. وكانوا يشيدون بعمل حركة السلم (السلفية) في تصرفها بحكمة آنذاك.

من الآخر هذا الاستغباء والاستعماء والانسياق وراء الأحداث والأهواء القيادية ومن يلعب في مصائر الأمة من قوى عظمى لأن:أمة اقرأ لا تقرأ.

أدعوكم لقراءة:
الجزائر المسلمة الجريحة | د. يوسف الفرضاويhttp://bit.ly/19jQ8ql
محفوظ نحناح | ويكيبيديا الإخوان المسلمونhttp://bit.ly/JeMNzg

View all my reviews

تأخرت..

6039_517351201656251_1272124706_n

تفتح عينيها وتوجه نظرها إلى شباك غرفتها .. لا تدري أي يوم هو، ولكن ما تعلمه تمامًا أنه يوم جديد.. ومشاق جديدة.. فقد أدركت مؤخرًا –على عكس ما كانت تظنه في طفولتها- أنه ليس لكل جديد ذات الحلاوة التي كانت تشعر بها عند شرائها “الكشاكيل” الجديدة ليلة “أول يوم مدرسة” ورائحة الكتب عند تسلمها إياها، تستنشقها بحذر كأنها وردة لا تريد لعبيرها أن يُفقد..

ولكن حتى “الكشاكيل” الجديدة نفقد الحماس تجاهها بعد الكتابة فيها للمرة الأولى.. الثانية.. الثالثة على الأكثر.. في أول صفحة نكتب بحرص شديد، مع تجميل زائد لخطوطنا ولا بأس ببعض الأحبار الملونة .. وفي كل مرة نقتني واحدًا جديدة نقرر أنها بداية جديدة وأننا لن نسأم منه بعد ثاني درس! وما أن ننتهي من أول مرة..حتى ينقلب الخط إلى “لعبكة” غير مفهومة ونهايات أحرف تجعلها تبدو كأحرف أخرى، فكلمات أخرى..بلون واحد ..فقط..

تمد يدها لتمسك بجوالها، تضغط على زره فيضيء بشدة تجعلها تغمض عينيها لا إراديًا، ربما لم يكن بهذه الشدة ولكن لم تكن عيناها مستعدة لهذا الكم من الضوء..

لقد تأخرت..

تستجمع قواها وتحاول التفكير في أي شيء يدفعها للنهوض من سريرها.. أي أمل..

تذكرت أنها لم تحادث صديقتها المقربة –وربما الوحيدة- منذ أيام، لانشغالها الشديد بين دراسة وعمل وأعمال منزلية.. كانت تعرف بداخلها أن هذا ليس مبررًا لتهمل صديقتها، ولكنها كانت دائمًا تخاف العتاب..

لم تتعلم الدرس أبدًا.. فكم من خسائر تعرضت لها بسبب خوفها..

هو.. ربما ما كان يدفعها إلى الأمل قليلًا..أو كثيرًا، ولكن ما تلبث أن تفكر فيه حتى تتذكر أنها بالنسبة له مجرد جزء صغير من حياته، ربما أقل أحلامه.. كانت تفهم تمامًا أنه من المستحيل أن تجد شخصًا يكون مكرّسا بالكامل لها.. لكن ما أسهل الكلمات.. وأصعب التصديق والتطبيق..

لم تكن تريد منه سوى أن تتساوى –على الأقل- مع باقي أحلامه، فيخطط لها كما يخطط لهم..ويصيبه الأرق –مثلها- وهو يفكر في تفاصيل كلامها وملامح وجهها، كما يحفظ تفاصيل أحلامه وطموحاته ..التي تعتبرهم أهم منها..

والدها.. أو كما تسميه سرًا، حبيبها.. لم تتحدث معه منذ يومين لاختلاف مواعيد قدومهم إلى المنزل.. أو خروجهم منه.. لكم أرادت أن تخبره كم تكنّ له من حب في قلبها.. لو وُزّع على أهل الأرض لوسعهم.. ولكنها تذكرت –أيضًا- خذلانها له، فهو-بسببها- لم يعد يحبها كما كان يفعل في طفولتها، كم تشتاق إلى ضمته، ولعبه معها بألعاب “الفيديو” ..تصويره لها وحمله إياها فوق كتفيه..
حبيبها أصبح دائم النقد..صار كلامه كالسهام تخترق قلبها واحدًا تلو الآخر حتى أصابه الوهن.. أو ربما هذا من فرط حساسيتها..التي أدركتها مؤخرًا.. أيضًا..

يعلو الضجيج في ذهنها.. تثبت وسادة فوق رأسها وكأنها تحاول أن توقف هذا الاهتزاز المزعج ..

تحت غطائها على شقها الأيمن..تضم نفسها كالطفل بين طياته..وكأنها تحتضن قلبها.. أو ما تبقّى منه

تقرر أن تغفل مجددًا لعلها تكون الأخيرة.. لا فائدة من النهوض..فقد تأخرت على أية حال..

6039_517351201656251_1272124706_n

يوم الوقفة التضامنية مع لؤي نجاتي

السلام عليكم
الأول أعتذر إني اتأخرت في الكتابة  :)

ثانيا.. اللي حصل في “الوقفة التضامنية مع لؤي نجاتي” في النيابة العسكرية كان كالآتي:

أول حاجة طلعت من الامتحان لقيت الناس بتقولي انه أخد 15 يوم على ذمة التحقيق وملهاش لازمة الوقفة عشان كده كده هو اترحل على السجن الحربي ومش موجود دلوقتي في النيابة.

بس الحمد لله صممنا نروح عشان نثبت وجودنا وتضامننا عشان يعرفوا إننا فاكرين وعارفين ومتابعين واننا مش هنسكت. وصحيح العدد لم يتجاوز العشرين شخص على الأكثر بس برضو فرقنا الحمد لله  وكان  التويتينج المستمر والكتابة على صفحة معا لإطلاق سراح لؤي نجاتي مهم برضو إن الناس تعرف الأخبار أول بـأول .

وصلنا وطبعا ما دخلناش بعد البوابة التانية ولكن كان المحامي أحمد حشمت موجود جوه بيدلي بـشهادته حيث أنه كان متواجد مع لؤي ليلة ما اتقبض عليه لحد الساعة 11 بالليل. وجت كمان المحامية راجية عمران ولما شافتنا متجمعين كده سألتنا-مشكورة-  انتوا حد من صحابكوا اتاخد من التحرير؟

قلنالها لؤي ..قالت إنها عارفة وجاية عشان الموضوع ده ..و ده اللي المفروض المحامين يعملوه.. انهم ينزلوا أماكن الاعتصامات والنيابات العسكرية ويعرضوا مساعدتهم .. احنا قابلنا ناس فعلا لا حول لها ولا قوة وأمهات مش عارفين حاجة عن ولادهم وقلبهم محروق عليهم. والمشكلة إن الناس دي بسطاء جدا ويمكن معندهمش كومبيوتر أصلا  مش بس ما يعرفوش تويتر.. مين يساعد الناس دي ويقولها على الإجراءات اللي المفروض تتخذ؟ بدل ما ولادهم ياخدوا كام سنة ظلم . خاصة كمان إن معاملة الجيش للناس في النيابة كانت وحشة جدا وطاهر(شقيق لؤي  (اشتكى من الموضوع ده وقال إنهم كانوا بيعاملوا أحمد حشمت بـطريقة غير لائقة بالمرة. وحصلت مشادة بين الأستاذة راجية وعسكري برضو .
وغير كده كمان احنا شفنا بعنينا بيتكلموا مع الأهالي اللي قاعدة  قدام البوابة التانية بطريقة وحشة جدا .

تصريح الزيارة طلع بس استنينا كتير جدا عشان المحامي يخلص شهادته.

بعدين مشي طاهر يجيب الأدوية للؤي. و فجأة لقينا موبايل واحد فينا بيرن ..لؤي بيكلمنا من هناك وبيطمنا عليه والحمد لله هو كويس وزي ما قلت  امبارح إني سألته أكل ولا لأ :D
أهم حاجة في الموضوع طبعا.. وقاللي آه أكل ولما ييجي هيحكيلنا الأكل عامل إزاي :D

بعدين طاهر وصل مع هبة وفادي للسجن الحربي عشان يدخلوا الأدوية.. كانت الساعة بقت 6 والظابط اللي يعرفوه جوه كان ماشي فاضطروا يسيبوا الأدوية برة. الساعة 12 إلا ربع حصلت مكالمة بين لؤي وأمجد وقاله إن الأدوية لسة ما وصلتش ! وانتوا عارفين إنه محتاجها بسبب أمراض القلب المزمنة شفاه الله وعافاه.

تحديث: اخو لؤي قال إن مدير السجن كلمه شخصيا وقال إن الأدوية اللي لؤي عايزها هتوصله
https://twitter.com/#!/tahernagaty/status/86697124040949760

طاهر قبلها طلع على قناة أون تي في:

http://www.youtube.com/watch?v=MPs5DKbjgGg

بعديها بشوية كتب  دي :

https://twitter.com/#!/tahernagaty/status/86568834789670912

ودي آخر أخبار وصلتنا عن لؤي ولسة مش متأكدين وصلتله الأدوية ولا لأ.

في مسيرة النهردة إن شاء الله الساعة 4 من مسجد عمر مكرم بالتحرير  لحد مجلس الوزراء
http://www.facebook.com/event.php?eid=194147917301550

وما تنسوش تتابعوا الصفحة
http://www.facebook.com/FreeLoai

وهاشتاج

دعواتكم :)

ملحوظات صغيرة لاستخدام تويتر

Image representing Twitter as depicted in Crun...

Image via CrunchBase

السلام عليكم يا أهل تويتر :)

التدوينة دي باكتبها عشان في حاجات صغيرة التويبس مش بياخدوا بالهم منها ممكن تأثر جدا في “حياتهم التويترية”  للأفضل بإذن الله
:D

أبطال التدوينة دي: زيكو .. التويب المجهول
(تويب تعني صديق تويتري.. وهي إمتزاج بين تويتر وبييب peep)

1- لو إنت عامل الحساب بتاعك مقفول   “Protected Tweets” ده هيخلي محدش يقدر يشوف التويتس بتاعتك . دي معروفة . اللي لازم تاخد بالك منه عشان ماتفتكرش إن الشخص اللي عملتله منشن مطنشك.. هو إن لو حسابك مقفول , وعملت منشن لحد مش متابعك.. المنشن بتاعك مش هيوصله .

2- نفترض إن إنت دلوقتي عايز تقول لكل اللي متابعينك حاجة عن زيكو أو عن حساب معين وتعمله منشن في تويت .أو عايز تخلي الناس اللي متابعاك تشوف حاجة إنت هتقولها لزيكو . تعمل إيه؟
لو عملت منشن لزيكو بالمنظر ده .. عادي خالص:

اللي هيشوف التويت دي الناس اللي متابعينك إنت وزيكو بس . لكن بقيت الناس اللي مش متابعة زيكو مش هتشوفها. عشان تخللي “كل الناس “ اللي متابعاك تشوف التويت, لازم تحُط أي علامة ترقيم  أو حرف في أول الجملة. زي نقطة مثلا  كده:

3- لو حد عملك بلوك أو عملتله بلوك. هيقدر يشوف البروفايل بتاعك عادي ويقرا التويتس. وممكن يعملك منشن بس مش هتشوفها عندك في المنشنز.

4- عشان تبعت لحد رسالة خاصة على تويتر “Direct Message”  لازم  يكون هو متابعك . ممكن تبعتله لو إنت مش متابعه وهو متابعك لكن مش هيعرف يرد عليك .

5- فولو فريداي “Follow Friday” هي عبارة عن طريقة لإقتراح على متابعينك ناس إنت شايف إنهم يستحقوا المتابعة . أنا مثلا هاقترح على الناس تتابع زيكو  عشان بيكتب حاجات جميلة .وطبعا إحنا خلاص عرفنا إن لازم عشان  “كل الناس “ تشوف اللي إنت كاتبه عن حد.. إنك تحُط حاجة في أول التويت قبل المنشن. زي كده:

ودايما بـنحُط  بعدها “هاشتاج” FF#

 إن شاء الله لما تيجي حاجة جديدة على بالي هبقى أعملها تدوينة جديدة ويا ريت تكون دي أفادتكوا وماجبناش زيكو عالفاضي
:D

دمتم سالمين

Enhanced by Zemanta

مغامرة ريمية

تحذير: هذه التدوينة غير مفيدة بالمرة ويمكن ما تضحكش أي حد خالص, بس أنا عن نفسي بموت من الضحك كل ما أفتكر الموقف
فلو دمك تقيل أحسنلك ما تقراش
:D

هاحكيلكوا حكاية كنت حاكتها قبل كده على تويتر بس مش بالتفصيل ده.. دي مغامرة من مغامرات أولى ثانوي
السنة اللي كنت فيها أكتر تلميذة مشاغبة في العالم كله
بس بـنوع من الكوميديا
:D

مرة كنت وصلت المدرسة متأخر
والحصة الأولى بدأت والناظرة كانت كل يوم تشوفني وأنا رايحة متأخر وآخر مرة قالتلي لو جيتي متأخر تاني هعملك لفت نظر أو حاجة كده

المهم طلعت بقى بجري ولابسة الشنطة على ضهري وأول ما وصلت للدور بتاعنا.. وفصلنا كان جنب السلم على طول خبط لزق.. أول ما تطلع السلم على إيدك اليمين ..قمت وطيت كده شوية جنب السلم واتداريت في الحيطة, أشوف الدنيا اخبارها إيه والناظرة موجودة في الدور ولا لأ ..

المهم لقيتها موجودة وبتقرب وأنا مش عارفة أعمل إيه
هتشوفني على السلم .. ولو دخلت الفصل هتشوفني وانا داخلة متأخر بالشنطة على ضهري

قمت واخدة نفس جامد أوي .. ورجعت لورا وقمت داخلة بسرعة جدا بـسرعة البرق على الفصل .. وحتى مدخلتش مشي على الأقدام.. واللهِ طرت

فتحت الباب بـقوة رهيبة وقمت ناطة على الأرض .. وفضلت في الأرض شوية عشان الناظرة كانت بتلف في الدور .. واحنا فصلنا فيه إزاز بيطل على الكوريدور

المهم .. احنا جنبنا في أوضة إزاز كده لازقة في الفصل برضو
احنا موقع فصلنا كان استراتيجي

المهم الأوضة دي بيقعد فيها المشرفات
كان فيها اتنين مشرفات.. فطسوا على روحهم من الضحك
وهم بره الفصل.. ولقيتهم بيطلوا عليَّ من إزاز الفصل من بره .. بيشوفوا أنا باعمل إيه وحصلي إيه جوه وانا نايمة على الأرض كده على وشي

وفطسانين من الضحك طبعا .. بجد واللهِ وشهم إحمر ودمعوا

ومن ساعتها بيحبوني جدا وحتى في ثانوية عامة كانوا بيكتبوا إسمي في الحضور من غير ما اقولهم ..
-بغض النظر التصرف ده صح ولا لأ بس أنا نفسي مكنتش أعرف ده-
عشان كنت بغيب عشان الدروس وكده
وعرفت إنهم بيكتبوني حضور عشان صحابي اللي ماكانوش بيروحوا جالهم جوابات انذار وانا لأ

والحكاية بقت على كل لسان وكل الدور بيضحك عليَّ بعدها

ننتقل للمشهد جوه الفصل بعد ما حصل كده

طبعا أنا دخلت اترميت على الأرض
البنات كلهم صرخوا في الأول وكل واحدة بسم الله الرحمن الرحيم وصريخ وحاجات كده

بعد ما إتخضوا .. كلهم ماتوا من الضحك

أما بالنسبة للمدرس
قعد يزعقلي ويقولي إيه اللي إنتي عملتيه ده .. إنتي اتجننتي
في حد بيجري وراكي ولا إيه

المهم بعد كل ده الناظرة دخلت شافتني .. ملحقتش.. والشنطة على ضهري.. وزعقتلي إني جيت متأخر

فشلت المهمة
وطلعت من المولد بلا حمص

النهاية

:D

مثال حي:

كُن الهلال والنجمة! :D

المفروض يعني المفروض إننا بنمر بـحالة سيئة جدا من قذارة الشوارع في مصر .. وإذا كان البعض أخد على كده خلاص وممكن يبقى ماشي  و في أكل مرمي في نص السكة ويعدي عليه طبيعي جدا.. هو مش طبيعي، بس احنا اللي خليناه طبيعي لحد ما وصلت حالة الشوارع للمنظر اللي شايفينه ده .

طيب أكيد في ناس بتقرا دلوقتي الكلام ده بتقول لنفسها  “لأ أنا مش كده، الموضوع بالنسبالي مش طبيعي ولا حاجة وبيضايقني كمان”.. جميل جدا .. حيث كده في كذا خطوة هنتعبها عشان نشوف فرق في المستقبل القريب بـإذن الله

:
(۱)

      :D أول حاجة لازم تبقى إنت نفسك مابترميش أي حاجة خالص في الأرض لو حتى في زلزال.. يعني دي مبالغة شوية -
      بس اللي عايزة أقوله إن لازم يبقى عندك مبدأ إن ممنوع منعا باتا ترمي حاجة في الأرض .

(۲)

“طب أنا ساعات بارمي حاجات على الأرض ، ببقى مضطر! مفيش سلات ارمي فيها “

.. :D عندنا الحل
.. :D لو فتحت شنطة الكلية بتاعتي أو حتى أي شنطة باخرج بيها هتلاقيها مليانة زبالة – ده بعد ما بارجع طبعا
“بس أنا ما باشيلش شنط”
:D بسيييييطة! بص ماتحاولش، مش هترمي يعني مش هترمي
:P – لما ببقى مش معايا شنطة بحط المناديل أو كيس الشيبسي – إعلان ده؟
– أو أي زبالة في جيبي لحد أقرب زبالة.. أو لو شارية أكل مثلا بحط الزبالة في الشنطة اللي كنت جايبة فيها الأكل.. أظن مالكش حجة
!!
:P :D

(۳)
عندك المبدأ ده؟ (اللي في النقطة رقم واحد) عظيم! طيب حاجة كمان، معلش هنتعبك معانا ، عندك الشجاعة والقدرة على إنك تبقى في وسط الناس في الشارع أو في محطة المترو وتشوف حاجة مرمية في الأرض وتوطي تجيبها وترميها في الزبالة؟
أنا عارفة إن الموضوع ممكن يبقى صعب شوية، لأنك طبعا هتاخد شوية نظرات من اللي قلبك يحبهم، الناس هتقول إيه الأهبل ده، ما الدنيا مليانة زبالة، ولا هو هيمشي ينضف البلد كلها .. آه إنت هتمشي تنضف البلد كلها! أول حاجة لإن النضافة دي ليك ولينا وللجيل اللي جاي، تخيل إنت طفل صغير شافك بتعمل كده، هتبقى زرعت فيه حاجة من صغره ومش بعيد يقلدك ولما يشوف كذا حد بيعمل كده هيكبر على إن الموضوع ده مش غريب ولا حاجة.

مش بقول إنه مش صعب، بس فكر إن الزبالة اللي إتحطت في طريقك دي إختبار من ربنا .. آه إختبار! أنا بفكر فيها كده، ساعات بيبقى في حاجة مرمية على الأرض واقعد أقول  - أو الشيطان هو اللي بيقول – “لسة هتوطي وتشيليها والناس تقعد تستغربك وتلفتي الأنظار، غيرك هيشيلها ولا عامل النظافة ولا أي حد” بس لأ، أنا باعتبره إختبار من ربنا.. هل إنت هتكابر وتقول مش هانزل أشيل حاجة من على الأرض ولا لأ، مش هيهمك كلام الناس و هتعمل كده لوجه الله وهتسمع كلام النبي صلى الله عليه وسلم لما قال في الأحاديث الصحيحة

:

الإيمان بضع وسبعون شعبة ، أفضلها لا إله إلا الله ، وأوضعها إماطة الأذى عن الطريق ، والحياء شعبة من الإيمان

إياكم والجلوس بالطرقات . فقالوا : يا رسول الله ، مالنا من مجالسنا بد نتحدث فيها ، فقال : فإذا أبيتم إلا المجلس ، فأعطوا الطريق حقه . قالوا : وما حق الطريق يا رسول الله ؟ قال : غض البصر ، وكف الأذى ، ورد السلام ، والأمر بالمعروف ، والنهي عن المنكر

بينما رجل يمشي بطريق ، وجد غصن شوك على الطريق ، فأخره . فشكر الله له . فغفر له

(٤)

      “بس أنا باقرف جدا ! أعمل إيه؟ يعععع أنا أشيل مناديل مستعملة يععع يعع”
    :D بص يا سيدي، محدش جابرك على إنك تشيل الحاجة لو هي شكلها مقزز وخلاص هترجع لو شلتها
      – بس اللي يقدر يعمل حاجة يعملها.. وعلشان موضوع القرف ده، أنا إنسانة قرافة جدا.. فـبعمل إيه؟

:D لو فتحت شنطتي  -برضو آه، هي شنطتي دي صندوق الدنيا اللي بيقولوا عليه لووول
هتلاقي حاجتين على طول موجودين .. مناديل وإزازة مية و وايپس  (اللي هي المناديل المبللة) لييييه؟

:D عشان لو وقعنا في الفخ وجيت أشيل حاجة فيها برابي..يععع لأ بهزر ..مش للدراجدي هاهاها

الحاجات دي عموما عشان لو صادفت أي حاجة وشلتها في الطريق أنضف إيدي على طول وولا من شاف ولا من دري ويا  بخت من وفق راسين في الحلال

:D

:D والسلام عليكم  ورحمة الله وبركاته

بي .إس: دايما إفتكر الثواب اللي هتخده  لما تعمل كده، حتى لو ده مش هيجيب نتيجة على المدى القريب والبلد تنضف عشان فعلا البلد في حالة يرثى لها . مش بس في النظافة .. بس إنت هتعمل اللي عليك قدام ربنا ، وهتبقى إنت خدت ثواب كبير فعلا

:)

بي. إس تاني : طبعا ماخدتش بالك إني كاتبة فوق “هتلاقي حاجتين على طول موجودين .. مناديل وإزازة مية و وايپس“.. ده نوع جديد من الرياضة

:P

:D لو أخدت بالك تبقى كسبت معانا مكنسة يدوية وجاروف .. لأ طبعا

:) أتمنى تكونوا استمتعوا واستفدتوا في نفس الوقت وياللا نبدأ كلنا مع بعض لمصر أجمل

On A Cold December Night…

On a cold December night
Your presence used to
Warm me up
But … you’re not there
So I just hold my pillow tight
Tell myself “Everything is going to be alright”

Although till spring,
We still might stay
So broken inside,
Life has been taken away
Flowers are blooming,
Yet looking so grey
Colorless gardens
That paints a picture
Of a sad bouquet
But I won’t try to color May
No, I will not try & color May…

On a dark December day
The sun won’t rise,
You’re not there…
How could it shine?
When all the planets are mourning the night…