كُن الهلال والنجمة! :D

المفروض يعني المفروض إننا بنمر بـحالة سيئة جدا من قذارة الشوارع في مصر .. وإذا كان البعض أخد على كده خلاص وممكن يبقى ماشي  و في أكل مرمي في نص السكة ويعدي عليه طبيعي جدا.. هو مش طبيعي، بس احنا اللي خليناه طبيعي لحد ما وصلت حالة الشوارع للمنظر اللي شايفينه ده .

طيب أكيد في ناس بتقرا دلوقتي الكلام ده بتقول لنفسها  “لأ أنا مش كده، الموضوع بالنسبالي مش طبيعي ولا حاجة وبيضايقني كمان”.. جميل جدا .. حيث كده في كذا خطوة هنتعبها عشان نشوف فرق في المستقبل القريب بـإذن الله

:
(۱)

      :D أول حاجة لازم تبقى إنت نفسك مابترميش أي حاجة خالص في الأرض لو حتى في زلزال.. يعني دي مبالغة شوية -
      بس اللي عايزة أقوله إن لازم يبقى عندك مبدأ إن ممنوع منعا باتا ترمي حاجة في الأرض .

(۲)

“طب أنا ساعات بارمي حاجات على الأرض ، ببقى مضطر! مفيش سلات ارمي فيها “

.. :D عندنا الحل
.. :D لو فتحت شنطة الكلية بتاعتي أو حتى أي شنطة باخرج بيها هتلاقيها مليانة زبالة – ده بعد ما بارجع طبعا
“بس أنا ما باشيلش شنط”
:D بسيييييطة! بص ماتحاولش، مش هترمي يعني مش هترمي
:P – لما ببقى مش معايا شنطة بحط المناديل أو كيس الشيبسي – إعلان ده؟
– أو أي زبالة في جيبي لحد أقرب زبالة.. أو لو شارية أكل مثلا بحط الزبالة في الشنطة اللي كنت جايبة فيها الأكل.. أظن مالكش حجة
!!
:P :D

(۳)
عندك المبدأ ده؟ (اللي في النقطة رقم واحد) عظيم! طيب حاجة كمان، معلش هنتعبك معانا ، عندك الشجاعة والقدرة على إنك تبقى في وسط الناس في الشارع أو في محطة المترو وتشوف حاجة مرمية في الأرض وتوطي تجيبها وترميها في الزبالة؟
أنا عارفة إن الموضوع ممكن يبقى صعب شوية، لأنك طبعا هتاخد شوية نظرات من اللي قلبك يحبهم، الناس هتقول إيه الأهبل ده، ما الدنيا مليانة زبالة، ولا هو هيمشي ينضف البلد كلها .. آه إنت هتمشي تنضف البلد كلها! أول حاجة لإن النضافة دي ليك ولينا وللجيل اللي جاي، تخيل إنت طفل صغير شافك بتعمل كده، هتبقى زرعت فيه حاجة من صغره ومش بعيد يقلدك ولما يشوف كذا حد بيعمل كده هيكبر على إن الموضوع ده مش غريب ولا حاجة.

مش بقول إنه مش صعب، بس فكر إن الزبالة اللي إتحطت في طريقك دي إختبار من ربنا .. آه إختبار! أنا بفكر فيها كده، ساعات بيبقى في حاجة مرمية على الأرض واقعد أقول  – أو الشيطان هو اللي بيقول – “لسة هتوطي وتشيليها والناس تقعد تستغربك وتلفتي الأنظار، غيرك هيشيلها ولا عامل النظافة ولا أي حد” بس لأ، أنا باعتبره إختبار من ربنا.. هل إنت هتكابر وتقول مش هانزل أشيل حاجة من على الأرض ولا لأ، مش هيهمك كلام الناس و هتعمل كده لوجه الله وهتسمع كلام النبي صلى الله عليه وسلم لما قال في الأحاديث الصحيحة

:

الإيمان بضع وسبعون شعبة ، أفضلها لا إله إلا الله ، وأوضعها إماطة الأذى عن الطريق ، والحياء شعبة من الإيمان

إياكم والجلوس بالطرقات . فقالوا : يا رسول الله ، مالنا من مجالسنا بد نتحدث فيها ، فقال : فإذا أبيتم إلا المجلس ، فأعطوا الطريق حقه . قالوا : وما حق الطريق يا رسول الله ؟ قال : غض البصر ، وكف الأذى ، ورد السلام ، والأمر بالمعروف ، والنهي عن المنكر

بينما رجل يمشي بطريق ، وجد غصن شوك على الطريق ، فأخره . فشكر الله له . فغفر له

(٤)

      “بس أنا باقرف جدا ! أعمل إيه؟ يعععع أنا أشيل مناديل مستعملة يععع يعع”
    :D بص يا سيدي، محدش جابرك على إنك تشيل الحاجة لو هي شكلها مقزز وخلاص هترجع لو شلتها
      – بس اللي يقدر يعمل حاجة يعملها.. وعلشان موضوع القرف ده، أنا إنسانة قرافة جدا.. فـبعمل إيه؟

:D لو فتحت شنطتي  -برضو آه، هي شنطتي دي صندوق الدنيا اللي بيقولوا عليه لووول
هتلاقي حاجتين على طول موجودين .. مناديل وإزازة مية و وايپس  (اللي هي المناديل المبللة) لييييه؟

:D عشان لو وقعنا في الفخ وجيت أشيل حاجة فيها برابي..يععع لأ بهزر ..مش للدراجدي هاهاها

الحاجات دي عموما عشان لو صادفت أي حاجة وشلتها في الطريق أنضف إيدي على طول وولا من شاف ولا من دري ويا  بخت من وفق راسين في الحلال

:D

:D والسلام عليكم  ورحمة الله وبركاته

بي .إس: دايما إفتكر الثواب اللي هتخده  لما تعمل كده، حتى لو ده مش هيجيب نتيجة على المدى القريب والبلد تنضف عشان فعلا البلد في حالة يرثى لها . مش بس في النظافة .. بس إنت هتعمل اللي عليك قدام ربنا ، وهتبقى إنت خدت ثواب كبير فعلا

:)

بي. إس تاني : طبعا ماخدتش بالك إني كاتبة فوق “هتلاقي حاجتين على طول موجودين .. مناديل وإزازة مية و وايپس“.. ده نوع جديد من الرياضة

:P

:D لو أخدت بالك تبقى كسبت معانا مكنسة يدوية وجاروف .. لأ طبعا

:) أتمنى تكونوا استمتعوا واستفدتوا في نفس الوقت وياللا نبدأ كلنا مع بعض لمصر أجمل

About these ads

5 Comments

  1. حصل موقف شبيه من يومين ولقيت كيس زباله اتفتح في نص الشارع والعربيات عماله تدوس عليه وطبعاً كل حته في الشارع بدأت تاخد نصيبها من الزباله
    فكرت اشيله بس مش بإيدي – برجلي :)
    بس الصراحه كنت مستعجل علي مشوار كده وغير كده مفيش عربيه حتستنا جلالتي لما أشوط الزباله علي جنب عشان تعدي
    لكن المره الجايه ان شاء الله ححاول اشوف حل آخر وأبقا الهلال والنجمة :) وما اخافش من نظرات الناس

    شكراً علي الموضوع والاهتمام بالتفاصيل – وأظنه ده الشئ المفتقد عندنا اكتر من النظافه نفسها

  2. ش بقول إنه مش صعب، بس فكر إن الزبالة اللي إتحطت في طريقك دي إختبار من ربنا .. آه إختبار! أنا بفكر فيها كده، ساعات بيبقى في حاجة مرمية على الأرض واقعد أقول – أو الشيطان هو اللي بيقول – “لسة هتوطي وتشيليها والناس تقعد تستغربك وتلفتي الأنظار، غيرك هيشيلها ولا عامل النظافة ولا أي حد” بس لأ، أنا باعتبره إختبار من ربنا.. هل إنت هتكابر وتقول مش هانزل أشيل حاجة من على الأرض ولا لأ،

    men a7la ma 2areet bgd! :)

  3. بوست حلو زياده عن اللزوم
    وعايز أقولك إنى بعمل كل اللى قولتيه
    ولحد دلوقتى فى نظر أصحابى مختل وبحارب طواحين الهواء
    …………
    ما تتأخريش علينا فى البوستات :)

  4. أنا في موقفين كل يوم بقع فيهم

    الأول إن مثلاً أنا نص اليوم بقضيه في الكلية .. والكلية عندنا ماليانه باسكت للزبالة فلذلك بفضل ماسك الحاجة في إيدي وأرميها في أي واحدة وده حاجة كويسة جداً .. بره الكلية بآ ببآ محتار أرمي فين بالظبط .. بس بتصرف

    ولحسن حظي مرة كان في إيدي علبة إزاز وزبالة مش عارف اعمل فيها أيه حطيتها في الشنطة بتاعتي .. ولحسن حظي برده إنها إتكسرت جوه الشنطة!

    الموقف التاني بآ وهو أنا أتعلمته من واحد صاحبي وبقلده في الموضوع ده .. مرة كنت باكل شيبسي (وده مش إعلان برده ) ووقعت مني واحدة علي الأرض .. صراحة طنشت .. لقيته وطا وجابها من تحت رجلي وحطها في الزبالة .. طبعاً بعيداً عن شكلي اللي كان زي الزفت يومها بس أنا أتعلمت الحركة ده منه وبعملها علي قد ما أقدر حتي لو الحاجة اللي واقعة مش أنا اللي موقعها

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s