تمسَّك

أن تفتح عينيك وترى كل شيء بصورة جديدة كأنك صحوت فجأة. أن تعذر من كنت تظنه سيئًا وتعيد النظر فيمن كنت تراه أفضل من عرفته على الإطلاق. أن تكتشف فجأة أنه لا يوجد ما يسمى بالثقة المطلقة، وأن تعرف أن كل شخص سيء هناك من دفع به إلى هذه الحالة المتردية من البؤس والبطش. أن تتيقن أن من كان يحاول إظهار نفسه دائمًا كضحية هو في الأصل مشارك في الجريمة..في الخفاء.

أن تؤمن تمام الإيمان أنه “لا يوجد دخان بلا نار” ..

تكتشف كل ذلك ثم ترثي نفسك التي ما عادت تثق بأحد حتى أصابع يديها.. مصيبة حقيقية.

أما بعد،

إن وجدت شخصًا لم تُصدم به فتمسّك به بكل قوتك، في أغلب الأحيان سيكون الوحيد؛ وادع الله ألا تخيب الظنون، لأنها عندئذٍ ستكون الحائل المتبقي بين عقلك وفقدان صوابك.

a3c4d33054c472a88a31d04e76b3c486

شطبي مواعينك وغيري حياتك :D

من شهر تقريبا كان في واحدة بتجيلي البيت تنضف بشكل منتظم، بس مكونتش ببقى مرتاحة لوجود شخص غريب في البيت خاصة مع وجود يحيى (ابني الرضيع) وكمان لما كانت ما بتعملش حاجة بشكل كويس بحس بإحراج لما بطلب منها تعيد الشغل وساعات كمان كانت بتستهبلني يمكن عشان طيبة معاها .. المهم إني قررت أعتمد على نفسي.

افتكرت برنامج إذاعي على الإنترنت كنت بسمعه زمان على BlogTalkRadio اسمه FlyLady & Friends وده كانت بتدي فيه نصايح لتنضيف البيت والروتين وما إلى ذلك.. بس زمان مفكرتش آخده بجدية.. من شهر بس دخلت على الموقع وبدأت أحاول أطبق الموضوع..

في البداية لازم تبدئي بحاجة بسيطة ولكن بتعمل فرق كبير وهي إنك “تلمعي الحوض” Shine Your Sink ودي أول خطوة في  المبدأ الأساسي اللي قايم عليه برنامج Flylady وهو إن الواحدة تمشي تاتا تاتا “Baby Steps”:D

المبدأ إنك لو قدرتي تحافظي على عادة إن الحوض يبقى نظيف يوميا قبل ما تنامي لمدة شهر تقدري تبني فوق ده أي عادات تانية بالتدريج.

shine-kitchen-sink

Shine Your Sink

أنا طول عمري مبحبش شغل البيت إطلاقًا، فكنت برضو عايزة يبقى في متابعة معايا لأني بحب يتقال لي أعمل إيه بالظبط فمكانش FlyLady.net كافي بالنسبالي.. فقررت أشترك في FlyLady Premium وده عبارة عن Support Group وكورس أونلاين من فلاي ليدي في تنظيم البيت، وتقدري تختاري إن يبقى ليكي موجّهة تتابع معاكي ظروفك وتقولك تعملي إيه بالظبط وتبدئي منين، وكمان فيه ألعاب جماعية أونلاين عشان يبقى في تشجيع أكتر لأداء المهام المفروضة.f0w2eiar

في تدوينات جاية هتكلم بالتفصيل أكتر عن الـ BabySteps والـRoutines وغيره من مبادئ الأوسازة فلاي ليدي  :D

اعملي الصح! (المهام المطلوبة لحد التدوينة الجاية):

  1. فضي الحوض تماما ولمعيه. (حتى لو هتشيلي اللي فيه في أي سبت برة وبعد التمليع تغسلي حاجة حاجة).
  2. رتبي سريرك أول ما تصحي من النوم.

تجربتي في التطريز مع Sublime Stitching

أنا نفسي من زمان أتعلم أعمل أشغال يدوية وحاولت مع الكروشيه ولحد دلوقتي ما نجحتش عشان بتلخبط في الغرز – بس جاري المحاولة😀 –

ففكرت أغير النشاط وأتعلم تطريز على خفيف..لقيت الكتاب ده في مكتبة ألف اسمه Sublime Stitching Craft Pad  وهو عبارة عن مجموعة سطمبات بتتكوي على القماش وتطرزي فوقها وممكن تتكوي كذا مرة كمان والرسمة بتروح بالغسيل ويتبقى التطريز اللي عملتيه.

51VYHo3kmBL

طبعًا أنا مكونتش أعرف حاجة عن الغرز فدخلت على الموقع بتاعها لقيت صور وفيديوهات تعليمية كتير http://sublimestitching.com

ودي الغرزة الخلفية اللي استخدمتها

backstitch_hart

كل الأدوات اللي هتحتاجيها إبرة وفتلة ومقص والقماش اللي هتطرزيه. وممكن تستخدمي طارة التطريز عشان تملكيه كويس.

دي صورة العصفور الجميل بعد ما خلصته😀

SublimeStitching

مبتدئة بس ييجي مني إن شاء الله ادعولي😀

لمحات من العشرية الدموية الجزائرية

لمحات من العشرية الدموية الجزائريةلمحات من العشرية الدموية الجزائرية by دسوقي أحمد

My rating: 5 of 5 stars

إذا كنت مصريًا، ستذهل من التشابه الفظيع واستغبائنا كفصائل إسلامية من القوى العظمى، وستُذهل أيضًا من أن الإخوان المسلمين في الجزائر كانوا يلعبون نفس الدور الذي يلعبه حزب النور الآن في مصر، وأن السلفيين اتخذوا آنذاك نفس المسلك الذي تتخذته جماعة الإخوان المسلمين الآن في مصر.

ومن الطريف أيضًا، أن معظم المصادر المستخدمة في البحث هي من على لسان قيادات الإخوان أمثال الغنوشي التونسي والقرضاوي ومن “إخوان ويكي”. وكانوا يشيدون بعمل حركة السلم (السلفية) في تصرفها بحكمة آنذاك.

من الآخر هذا الاستغباء والاستعماء والانسياق وراء الأحداث والأهواء القيادية ومن يلعب في مصائر الأمة من قوى عظمى لأن:أمة اقرأ لا تقرأ.

أدعوكم لقراءة:
الجزائر المسلمة الجريحة | د. يوسف الفرضاويhttp://bit.ly/19jQ8ql
محفوظ نحناح | ويكيبيديا الإخوان المسلمونhttp://bit.ly/JeMNzg

View all my reviews

تأخرت..

6039_517351201656251_1272124706_n

تفتح عينيها وتوجه نظرها إلى شباك غرفتها .. لا تدري أي يوم هو، ولكن ما تعلمه تمامًا أنه يوم جديد.. ومشاق جديدة.. فقد أدركت مؤخرًا –على عكس ما كانت تظنه في طفولتها- أنه ليس لكل جديد ذات الحلاوة التي كانت تشعر بها عند شرائها “الكشاكيل” الجديدة ليلة “أول يوم مدرسة” ورائحة الكتب عند تسلمها إياها، تستنشقها بحذر كأنها وردة لا تريد لعبيرها أن يُفقد..

ولكن حتى “الكشاكيل” الجديدة نفقد الحماس تجاهها بعد الكتابة فيها للمرة الأولى.. الثانية.. الثالثة على الأكثر.. في أول صفحة نكتب بحرص شديد، مع تجميل زائد لخطوطنا ولا بأس ببعض الأحبار الملونة .. وفي كل مرة نقتني واحدًا جديدة نقرر أنها بداية جديدة وأننا لن نسأم منه بعد ثاني درس! وما أن ننتهي من أول مرة..حتى ينقلب الخط إلى “لعبكة” غير مفهومة ونهايات أحرف تجعلها تبدو كأحرف أخرى، فكلمات أخرى..بلون واحد ..فقط..

تمد يدها لتمسك بجوالها، تضغط على زره فيضيء بشدة تجعلها تغمض عينيها لا إراديًا، ربما لم يكن بهذه الشدة ولكن لم تكن عيناها مستعدة لهذا الكم من الضوء..

لقد تأخرت..

تستجمع قواها وتحاول التفكير في أي شيء يدفعها للنهوض من سريرها.. أي أمل..

تذكرت أنها لم تحادث صديقتها المقربة –وربما الوحيدة- منذ أيام، لانشغالها الشديد بين دراسة وعمل وأعمال منزلية.. كانت تعرف بداخلها أن هذا ليس مبررًا لتهمل صديقتها، ولكنها كانت دائمًا تخاف العتاب..

لم تتعلم الدرس أبدًا.. فكم من خسائر تعرضت لها بسبب خوفها..

هو.. ربما ما كان يدفعها إلى الأمل قليلًا..أو كثيرًا، ولكن ما تلبث أن تفكر فيه حتى تتذكر أنها بالنسبة له مجرد جزء صغير من حياته، ربما أقل أحلامه.. كانت تفهم تمامًا أنه من المستحيل أن تجد شخصًا يكون مكرّسا بالكامل لها.. لكن ما أسهل الكلمات.. وأصعب التصديق والتطبيق..

لم تكن تريد منه سوى أن تتساوى –على الأقل- مع باقي أحلامه، فيخطط لها كما يخطط لهم..ويصيبه الأرق –مثلها- وهو يفكر في تفاصيل كلامها وملامح وجهها، كما يحفظ تفاصيل أحلامه وطموحاته ..التي تعتبرهم أهم منها..

والدها.. أو كما تسميه سرًا، حبيبها.. لم تتحدث معه منذ يومين لاختلاف مواعيد قدومهم إلى المنزل.. أو خروجهم منه.. لكم أرادت أن تخبره كم تكنّ له من حب في قلبها.. لو وُزّع على أهل الأرض لوسعهم.. ولكنها تذكرت –أيضًا- خذلانها له، فهو-بسببها- لم يعد يحبها كما كان يفعل في طفولتها، كم تشتاق إلى ضمته، ولعبه معها بألعاب “الفيديو” ..تصويره لها وحمله إياها فوق كتفيه..
حبيبها أصبح دائم النقد..صار كلامه كالسهام تخترق قلبها واحدًا تلو الآخر حتى أصابه الوهن.. أو ربما هذا من فرط حساسيتها..التي أدركتها مؤخرًا.. أيضًا..

يعلو الضجيج في ذهنها.. تثبت وسادة فوق رأسها وكأنها تحاول أن توقف هذا الاهتزاز المزعج ..

تحت غطائها على شقها الأيمن..تضم نفسها كالطفل بين طياته..وكأنها تحتضن قلبها.. أو ما تبقّى منه

تقرر أن تغفل مجددًا لعلها تكون الأخيرة.. لا فائدة من النهوض..فقد تأخرت على أية حال..

6039_517351201656251_1272124706_n

ملحوظات صغيرة لاستخدام تويتر

Image representing Twitter as depicted in Crun...

Image via CrunchBase

السلام عليكم يا أهل تويتر🙂

التدوينة دي باكتبها عشان في حاجات صغيرة التويبس مش بياخدوا بالهم منها ممكن تأثر جدا في “حياتهم التويترية”  للأفضل بإذن الله
😀

أبطال التدوينة دي: زيكو .. التويب المجهول
(تويب تعني صديق تويتري.. وهي إمتزاج بين تويتر وبييب peep)

1- لو إنت عامل الحساب بتاعك مقفول   “Protected Tweets” ده هيخلي محدش يقدر يشوف التويتس بتاعتك . دي معروفة . اللي لازم تاخد بالك منه عشان ماتفتكرش إن الشخص اللي عملتله منشن مطنشك.. هو إن لو حسابك مقفول , وعملت منشن لحد مش متابعك.. المنشن بتاعك مش هيوصله .

2- نفترض إن إنت دلوقتي عايز تقول لكل اللي متابعينك حاجة عن زيكو أو عن حساب معين وتعمله منشن في تويت .أو عايز تخلي الناس اللي متابعاك تشوف حاجة إنت هتقولها لزيكو . تعمل إيه؟
لو عملت منشن لزيكو بالمنظر ده .. عادي خالص:

اللي هيشوف التويت دي الناس اللي متابعينك إنت وزيكو بس . لكن بقيت الناس اللي مش متابعة زيكو مش هتشوفها. عشان تخللي “كل الناس “ اللي متابعاك تشوف التويت, لازم تحُط أي علامة ترقيم  أو حرف في أول الجملة. زي نقطة مثلا  كده:

3- لو حد عملك بلوك أو عملتله بلوك. هيقدر يشوف البروفايل بتاعك عادي ويقرا التويتس. وممكن يعملك منشن بس مش هتشوفها عندك في المنشنز.

4- عشان تبعت لحد رسالة خاصة على تويتر “Direct Message”  لازم  يكون هو متابعك . ممكن تبعتله لو إنت مش متابعه وهو متابعك لكن مش هيعرف يرد عليك .

5- فولو فريداي “Follow Friday” هي عبارة عن طريقة لإقتراح على متابعينك ناس إنت شايف إنهم يستحقوا المتابعة . أنا مثلا هاقترح على الناس تتابع زيكو  عشان بيكتب حاجات جميلة .وطبعا إحنا خلاص عرفنا إن لازم عشان  “كل الناس “ تشوف اللي إنت كاتبه عن حد.. إنك تحُط حاجة في أول التويت قبل المنشن. زي كده:

ودايما بـنحُط  بعدها “هاشتاج” FF#

 إن شاء الله لما تيجي حاجة جديدة على بالي هبقى أعملها تدوينة جديدة ويا ريت تكون دي أفادتكوا وماجبناش زيكو عالفاضي
😀

دمتم سالمين

Enhanced by Zemanta

مغامرة ريمية

تحذير: هذه التدوينة غير مفيدة بالمرة ويمكن ما تضحكش أي حد خالص, بس أنا عن نفسي بموت من الضحك كل ما أفتكر الموقف
فلو دمك تقيل أحسنلك ما تقراش
😀

هاحكيلكوا حكاية كنت حاكتها قبل كده على تويتر بس مش بالتفصيل ده.. دي مغامرة من مغامرات أولى ثانوي
السنة اللي كنت فيها أكتر تلميذة مشاغبة في العالم كله
بس بـنوع من الكوميديا
😀

مرة كنت وصلت المدرسة متأخر
والحصة الأولى بدأت والناظرة كانت كل يوم تشوفني وأنا رايحة متأخر وآخر مرة قالتلي لو جيتي متأخر تاني هعملك لفت نظر أو حاجة كده

المهم طلعت بقى بجري ولابسة الشنطة على ضهري وأول ما وصلت للدور بتاعنا.. وفصلنا كان جنب السلم على طول خبط لزق.. أول ما تطلع السلم على إيدك اليمين ..قمت وطيت كده شوية جنب السلم واتداريت في الحيطة, أشوف الدنيا اخبارها إيه والناظرة موجودة في الدور ولا لأ ..

المهم لقيتها موجودة وبتقرب وأنا مش عارفة أعمل إيه
هتشوفني على السلم .. ولو دخلت الفصل هتشوفني وانا داخلة متأخر بالشنطة على ضهري

قمت واخدة نفس جامد أوي .. ورجعت لورا وقمت داخلة بسرعة جدا بـسرعة البرق على الفصل .. وحتى مدخلتش مشي على الأقدام.. واللهِ طرت

فتحت الباب بـقوة رهيبة وقمت ناطة على الأرض .. وفضلت في الأرض شوية عشان الناظرة كانت بتلف في الدور .. واحنا فصلنا فيه إزاز بيطل على الكوريدور

المهم .. احنا جنبنا في أوضة إزاز كده لازقة في الفصل برضو
احنا موقع فصلنا كان استراتيجي

المهم الأوضة دي بيقعد فيها المشرفات
كان فيها اتنين مشرفات.. فطسوا على روحهم من الضحك
وهم بره الفصل.. ولقيتهم بيطلوا عليَّ من إزاز الفصل من بره .. بيشوفوا أنا باعمل إيه وحصلي إيه جوه وانا نايمة على الأرض كده على وشي

وفطسانين من الضحك طبعا .. بجد واللهِ وشهم إحمر ودمعوا

ومن ساعتها بيحبوني جدا وحتى في ثانوية عامة كانوا بيكتبوا إسمي في الحضور من غير ما اقولهم ..
-بغض النظر التصرف ده صح ولا لأ بس أنا نفسي مكنتش أعرف ده-
عشان كنت بغيب عشان الدروس وكده
وعرفت إنهم بيكتبوني حضور عشان صحابي اللي ماكانوش بيروحوا جالهم جوابات انذار وانا لأ

والحكاية بقت على كل لسان وكل الدور بيضحك عليَّ بعدها

ننتقل للمشهد جوه الفصل بعد ما حصل كده

طبعا أنا دخلت اترميت على الأرض
البنات كلهم صرخوا في الأول وكل واحدة بسم الله الرحمن الرحيم وصريخ وحاجات كده

بعد ما إتخضوا .. كلهم ماتوا من الضحك

أما بالنسبة للمدرس
قعد يزعقلي ويقولي إيه اللي إنتي عملتيه ده .. إنتي اتجننتي
في حد بيجري وراكي ولا إيه

المهم بعد كل ده الناظرة دخلت شافتني .. ملحقتش.. والشنطة على ضهري.. وزعقتلي إني جيت متأخر

فشلت المهمة
وطلعت من المولد بلا حمص

النهاية

😀

مثال حي: