جت على بالي..الإستغناء بالله

كلنا بنحاول في الدنيا دي, كلنا نفسنا نبقى ناس ناجحة على كل المستويات..  و نفسنا إننا نبقى مستغنيين عن الدنيا و أنفسنا تواقة للآخرة و بنعمل كل حاجة عشان ربنا و
عشان رضاه بس.. نفسنا نوصل للمستوى ده من التفكير, إن الدنيا فانية بـكل ما فيها ومش هيبقى غير وجه الله عز و جل..و على فكرة مش سهل, مين قال إن الحلال سهل؟ مينفعش أصلا يبقى سهل, أُمّال إزاي يبقى في فرق بين اللي بيعصي و بين اللي بيجاهد نفسه عشان يدخل الجنة؟ لا يستوي أبدا ..لَقَدْ خَلَقْنَا ٱلْإِنسَـٰنَ فِى كَبَدٍ ﴿٤﴾ سورة البلد .. لازم تتعب عشان تنجح. ما احنا بنموت نفسنا في الإمتحانات عشان ننجح.. بس الفكرة فين؟ الفكرة إن الإمتحان نتيجته بتطلع على طول.. في ظرف أسبوع, شهر, شهرين.. لما بتعمل حاجة غلط بتتعاقب دلوقتي.. في ساعتها.. ف ده  بيخليك تعمل الصح,  بيخليك تذاكر لأنك عارف إن الإمتحان بكرة.. عارف إن النتيجة هتطلع في ظرف أيام.. لكن الحساب والجنة والآخرة والنار .. إنت مش عارف, مفيش حاجة واقفة على دماغك تقولك قوم ذاكر, أو بـمعنى أصح, إعمل الصح عشان حسابك بكرة..بس هو جاي .. عشان كده حتى لو مش عارفين هو إمتى, أقل حاجة ممكن نعملها إننا نحاول..نحاول نوصل لأقرب ما نقدر عليه من الإستعداد.

كل اللي في إيدينا قرار, نستغنى بـالله

كنت سمعت مرة مش فاكرة أوي فين, تقريبا برنامج مدرسة الحب بتاع مصطفى حسني اللي كان بييجي في رمضان.. قال إن الغنى مش باللي تملكه, إنما الغنى بقدرتك على الإستغناء عما تملك .. أو بما معناه.

تحديث:راجعت الحلقة والمقولة للإمام الشافعي كانت في شعر من أشعاره :

وليس الغنى إلا عن الشئ لا به

 

 

3 Comments

  1. كلام جميل، كلام معقول، مقدرش أقول حاجة تانية.

    لكن النجاح محتاج دافع قوي، المشكلة من أين الدافع، وبيتباع فين.

    يعني ياريت بوست تاني توضحي فيه كده كل فروع المحل اللي بيبيع الدافع ده، وياريت الأسعار كمان لو ممكن.

    سمعت أن الدافع بقة عامل زي البنزين، في منه 80 و 90 و 95، المشكلة بقة لو خلص في وسط طريق صحرا، الواحد يتصرف إزي؟

  2. الايمان بيقل و بيزيد
    مش ثابت لما يقل الانسان يستهون بالله و يكون اهون الناظرين عليه و هو بيسرق و بيعصي ربنا
    و لما بيزيد الواحد بيتقي الله في كل شئ مايهموش حد غير ربنا
    و علشان نقوي الايمان محتاجين بنزين و لازمن نفوووووووول كل شوية

  3. انا اول مره اقرأ مقال ليكى وبجد ارتحت لكلامك اوى وحسه انه بيعبر عن اللى جوايا ..بالنسبه لمقوله الامام الشافعى فاحيانا بوصل لدرجه التمسك بها وغالبا اكون تائهه عنها وسط ملذات وشهوات الدنيا ودى مشكلتى رايحه جيه بين هذا وذاك

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s