تيجوا نفَرْمَت الهارد ديسك؟

بنتولد مش عارفين أي حاجة في الدنيا دي، زي الهارد ديسك الفاضي اللي لسة بالسلوفانة بتاعته زي ما المصريين بيقولوا ، بنكبر واحدة واحدة و بنتعلم، بس بنتعلم إيه؟ كل المعلومات اللي بتدخل في مخنا – الهارد ديسك – مابتبقاش بـإرادتنا ، إنت مجرد طفل لا حول لك ولا قوة ، تستقبل ما يعْلمك إياه .والداك

وإحنا صغيرين كانت الدنيا بالنسبة لنا ممكن لا تتعدى الشارع اللي ورانا ، ودولة مثلا زي أمريكا كانت في مخيلتنا مكان بعيييييييييد وعالم تاني بس بنكبر، و بنبدأ واحدة واحدة نكوِّن فكرة تانية غير اللي أهالينا كونوها لنا، بالإكتشاف والبحث عن المعرفة

(هي آه أمريكا بعيدة -لو إنت في مصر- بس العالم بقى قرية صغيرة😀 :P) زمان، كان العالم أكثر انغلاقا، كنت عشان تجيب معلومة لازم تروح لحد المكتبة و تقعد تدوَّر. العلم مكانش سهل ومع ذلك كانت الناس –اللي بتتعلم- متعلمة أكتر.. متربية أكتر . بأحس إن الناس كانت بتقدر العلم عشان كان صعب، كان بيتعب عشان يتعلم، غير تعب المذاكرة نفسه، بس كان بيسعى.. دلوقتي كل حاجة متوفرة ومع ذلك الناس بتعلم .نفسها في الإتجاه الغلط خالص. أقرب مايكون إلى إفساد شخصيته بـإيده أنا مش هتكلم على الإتجاهات أو السلوكيات اللي بيتبعها الشباب دلوقتي –ولاد وبنات – بس هتكلم على إن المفروض أي واحد فينا يستغل العلم اللي متوفر في كل حتة دلوقتي ..بالطريقة الصح واحدة صاحبتي مرة قالتلي إني باستعمل كل حاجة إلى أقصى إستخدام ليها، مش بمعنى إني بأهلك الحاجة، لأ بـمعنى إني بأستغل كل ما تقدمه الأداة ليَّ ، أي كانت إيه .هي نرجع لموضوع الهارد ديسك .. بعد ما بنبدأ نعى شوية ، بنلاقي ساعات تناقضات بين الحاجات اللي اتعلمناها من أهلنا والصح.. أو مثلا بنبدأ نشوف حوالينا تصرفات .ممكن نكون شايفينها “غريبة “ شوية ، نسبيا! ما إنت قاموسك اتبنى على لغة تانية أصلا وتصرفات مختلفة هنا بييجي الدور عليك، هل إنت دورك إنك تاخد كل حاجة أهلك قالولك عليها أو شوفتها من المجتمع اللي إنت عايش فيه ، من صحابك أو جيرانك، مسلَّم بيها؟ تفتكر كل دورك في الحياة إنك تبقى مجرد مقلِّد لما تراه من غير ما تستخدم عقلك اللي ربنا إداهولك؟ إحنا كسالى .. كتير بنلاقي ناس لا تفقه حاجات أساسيةفي دينها كمثال، مع إن ممكن يكون عندهم المقدرة والوقت الكافي إنهم يدخلوا على النت بـبساطة جدا ويدوروا على اللي هم عايزينه وهيلاقوا مليون مصدر آه دلوقتي المجتمعات أغلبها فيه فساد، و آه برضو الأهل مابقوش قريبين لولادهم زي زمان ،بس..قصاد ده ربنا انعم علينا بـنعم تانية ..😀 زي الشبكة العنكبوتية ما ترميش غلطك على تربيتك أو مجتمعك، بص الأول على نفسك وشوف إنت عملت واجبك ولا لأ؟ حاولت تثقف نفسك وتستغل الإنترنت أحسن إستغلال عشان تقرا وتفقه نفسك في دينك و دراستك وحياتك الإجتماعية وتنمية ذاتك، ولا الإنترنت بالنسبالك ما هو إلا وسيلة للترفيه لا أكثر؟ نتأكد من المعلومات اللي اكتسبناها قبل كده، نفكَّر ونقارن، ماحدش بيعرف الصح لوحده، قاموس الصح والغلط عندنا كلنا اتكون على مر الزمن باللي إنت شوفته ، أو ممكن نقول باللي كانوا الناس عايزينك تشوفه ، دلوقتي إنت كبرت وعاقل كفاية و في ايدك تختار اللي عايز تشوفه، وصدقني هتلاقي حاجات كتير هتكتشفها لوحدك-بتعليم نفسك- ومكانش حد هيقولهالك .وهيبدأ الهارد يتمسح من عليه حاجات وتتصلح مفاهيمنا وتتكون من أول وجديد نفسي نبدأ نعمل كده قبل ما نُسأل يوم القيامة إحنا ليه ماعلِّمناش نفسنا؟ و ده طبعا هيبقى رد على كل واحد هيقول ده اللي لقيت الناس بتعمله، ده اللي علِّموهولي .

قَالُوا بَلْ وَجَدْنَا آبَاءنَا كَذَلِكَ يَفْعَلُونَ)) سورة الشعراء آية 74)) إِنَّا وَجَدْنَا آبَاءنَا عَلَى أُمَّةٍ وَإِنَّا عَلَى آثَارِهِم مُّقْتَدُونَ)) سورة الزخرف آية 23)) قال رسول الله صلى الله عليه وسلم : لا تكونوا إمعة تقولون إن أحسن الناس أحسنا وإن ظلموا ظلمنا ولكن وطنوا أنفسكم إن أحسن الناس أن تحسنوا وإن أساءوا فلا تظلموا

Enhanced by Zemanta

20 Comments

  1. OK, Reem. I got enlightenment, upright conduct, moral behavior and good upbringing.

    I got education, learning self-help, availability of information and knowledge sources.

    I got a big world turned into a small village. Chidren’s perception of what’s unfamiliar changes as minds grow.

    And anyone could easily infer a very responsible 19 year-old writing these beautiful wisdoms.

    What I could not, for the life of me, understand, was: how is all this related to a Hard Disk??? And where is “Tigwa?” and to which ancient Egyptian Dynasty does “Nepharmat” belong? … How is this strange title related to the topic’s subject matter?

    • بصراحة كل كلامك عاجبنى عارفة انا بحب اليلد دية اوى انا شاب عادى من اسرة متوسطة نشات على حبها حبيتها بجد بحاول اعمل كل واى حاجة تفيدها بس اكتشتف زى ما قالوا فى الافلام مافيش فايدة كنت بشوف حد يعمل غلط اقول لة ومش اخاف واتجرء عشان عارف انى بعمل الصح والصحيح بس مش فى فايدة وهقول لك على موقف صغير جدا شفت معرض معين فى المعادى عارض سيارات بيغسل كل يوم السيارات بكمية كبيرة اوى من المياة العذبة الصالحة للشرب كلمت صاحب المعرض مش عايز اقلك شوية وكان هيضربنى تانى يوم تكرر المشهد بلغت النجدة واديتهم العنوان وقلت لهم ان دة اهدار لحقى وحق الشعب صحك الى بيكلمنى على التليفون ومرت الايام ولم يتغير شىء ممكن اكون مجنون معقد لو حبيتى اقول لك ولكل الى عايز يغير حاجة احكى لكم على موافق مش اعتقد ناس كتيير مرت بيها وشكرا اسف طولت اوى بس حسيت انى عايز اتكلم شكرا

  2. U said it all Reem !! simple and to the point !!

    I think that with the ease to reach knowledge resources in this era .. we will be asked more severely by Allah about what we did to seek knowledge and what we did to spread it …

  3. كلام جميل جدا يا ريم و ليس غبار عليه
    و فعلا الواحد المفروض يتأمل و يفكر بعقله قبل ميكون فكرة في الحياة
    زي ما سيدنا أبراهيم عليه السلام تأمل في الشمس و الكواكب و القمر و عرف أنهم مينفعوش يبقى أله و عرف ان للكون أله واحد و أكيد مش دول
    و في حديث عن رسول الله صلي الله عليه و سلم بيقول المؤمن كيس فطن
    يعني لازم يبحث و ميحدش الحاجة مسلمة كدا, بس بردوا لازم يسمع مذا رأي و فكرة و هو ألي يحدد الصح بالنسباله على الأقل
    و الأنسان مهما كبر لازم يفضل يتعلم مافيش حد حيوصل لدرجة و خبرة تقدر تخليه يتوقف عن التعلم يا أما هو بيضحك على نفسه😀

    و شكرا يا ريم على المقالة الجامدة دي

  4. أحلي حاجه ان الموضوع كل الناس بتقوله لكن انه يخاطبنا بلغة الـ”جيكس” فدي الفكرة وده الي وصل لنا بسهوله

    اما عن التغيير كفكرة، فأنا شايف انه الواحد بيمر عليه طول حياته دعوات كتيره انه يتغير لو استجاب لواحده فيهم يعتبر فِهِم هوه هنا ليه وجه منين وجاي يعمل ايه بالظبط ورايح بعدها فين ويعيش مبسوط عالاقل حتي عشان فهم بس لمجرد الفهم (طبعاً يستحسن يغير من نفسه اكيد)
    اضعف الايمان ينام مرتاح البال

  5. لية اعيش الدنيا وانا مريض اكل كويس العب رياضة وطبعا بمشيئة ربنا اعيش باحسن صحة
    لية اعمل حاجة وحشة تضر غيرى ما احاول اعمل كل حاجة كويسة تفيد غيرى ويكفى حديث رسول الله صلى الله علية وسلم لا يؤمن احدكم حتى يحب لاخبة ما يحب لنفسة صدق رسول الله
    لية اعامل اهلى وحش وهما الى ربونى وعلمونى
    وربنا وصانى بيهم وفى برهم ثواب كبير
    لية ساكتين على القدس القدس يا جماعة المسجد الاقصى كلامى خلص

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s